Ƀơi mông mă bruă, pơdah ƀô̆ mơta mơ̆ng Hà Nội Khua git gai ping gah ơi Tô Lâm hơmâo tơña bla, pơhiăp tom pơtrut pơsur pran jua ƀing khua mua, ling tơhan pơgang guai dêh čar, khua mua pơ ala mơnuih ƀôn sang hăng abih bang ling tơhan blah ngă ƀơi anih dŏ lăng nao rai amăng tivi pơhiăp tom mơ̆ng ataih hăng hơdôm puih tơhan pơgang guai dêh čar ƀơi tơring čar amăng dêh čar. Lăi pơtong, thun 2025, sa thun bă hăng lu bruă mă yom pơprong kơ dêh čar. Anun yơh bruă mă amra kơtrâ̆o hloh, ječ ameč khom ngă, kiăng ngă giong bruă jao yak nao amăng rơnuk phrâo djuai ania, ƀing tơhan pơgang guai dêh čar khom jing pô gơgrong tong ten pơtrut ngă hrŏm giong tơhnal pơkă, akŏ bruă amăng sa thun 2025.

Ƀrô mơak čơkă thun phrâo, Khua git gai ping gah pơtrun hiăp, pơtô lăi tong ten ngă tui djop hră pơčrâo ba mơ̆ng khul khua git gai ping gah dêh čar, mơ̆ng khua dêh čar hăng lu hơdră pơčrâo ba pơkŏn mơ̆ng Ding jum ling tơhan, pơphun hyu tir, ĕp lăng kơjăp ƀơi guai dêh čar, amăng jang guai dêh čar, pơgang hơđong kơđi čar, rơnuk rơnua mơnuih mơnam ƀơi jơlan guai dêh čar amăng bơyan têt, pơhlôm ngă tui djop tơlơi pơtrun, djru têt, bơwih brơi tơlơi mơak kơ ling tơhan čơkă têt mơak mơai, trơi pơđao samơ̆ rơnuk rơnua, pơkrem, đing nao, lăng ba djop kơ sang anŏ ngă hơkrŭ, sang anŏ ƀun rin amăng kual guai dêh čar, amăng bul pơtâo, plao ia rơsĭ.