Tal nao cuă mơ̆ng Khua dêh čar ơi Phạm Minh Chính hmâo laih hơdôm bôh tơhnal yôm phăn, ngă brơi tơlơi rô nao rai giăng mah mơ̆ng hlâo kơplah wah Việt Nam hăng Ba Lan, Séc hăng Thụy Sĩ hơdai nao rơwang pơđĭ kyar phrâo, pơđĭ tơhnal tơlơi rô nao rai, kơtưn pran đăo kơnang bruă kơđi čar.

Khua dêh čar ơi Phạm Minh Chính hmâo laih rơbêh kơ 30 bruă bơkơtuai, rôk ruai, pơhiăp hơdră bruă, nao pơhmư̆ mông bơkơtuai bơwih ƀong, nao pơhmư̆ jơlan hơdră “Bơyan bơnga plơi pla”, čuă sa dua anih anom bôh thâo, kơsem min – măi mok ƀơi hơdôm bôh dêh čar. Amăng rơbêh kơ 30 mông ƀơi Davos, Khua dêh car ơi Phạm Minh Chính hmâo laih sa hơdră pơkă mă bruă kơpal khop hăng lu bruă mă lu bơnah hăng dua bơnah. Khua dêh čar, khua git gai lu Ding jum, gơnong bruă hăng tơring čar, ƀôn prong hmâo pơhiăp hăng bơkơtuai hăng lu grŭp ba jơlan hlâo ƀơi 5 mông bơkơtuai amăng lu bruă phun, mơ̆ng bruă măi mok yôm, bôh thâo pơčeh phrâo truh ia jrao, anih anom mă yua hơdeč hmar, apui yua hơdjă hăng anom prăk kak./.