Lơ 25/8, ƀơi Sang bruă ping gah dêh čar, ơi Tô Lâm, Khua git gai ping gah dêh čar hrŏm hăng khua mua apăn bruă ding jum kơđi čar mă bruă hăng khua mua apăn bruă phun ping gah ling tơhan dêh čar, pơgôp hiăp kơ hră pơtrun kơ tal jơnum hăng ruah khua apăn bruă ping gah ling tơhan tal XII, rơwang bruă thun 2025-2030. Tơdơi kơ hmư̆ lăi pơthâo, Ding jum kơđi čar čih pioh hăng lăng yom bruă prăp lui mơ̆ng sang bruă ping gah ling tơhan dêh čar, djop anom bruă ping gah gah ling tơhan dêh čar.

Jơnum ruah khua ping gah gah ling tơhan djop gưl hơmâo pơphun tơpă hnơ̆ng tong ten, ngă gru hlâo, tŭ mă tơlơi hrăm pioh git gai, pơčrâo bruă, kiăng hơmâo boh tơhnal tŭ yua klă hloh; ƀing khua mua git gai phun hăng ƀing pơ ala djơ̆ anăn plĕ hră ruah khua lêng kơ lu soh. Anom bruă ping gah ling tơhan ăt prăp lui tong ten hră pơtrun, ruah mơnuih apăn bruă, kiăng ngă djơ̆ tơlơi pơčrâo mơ̆ng Ding jum kơđi čar hăng tơlơi pơtô ba mơ̆ng Gơnong dlông. Ding jum kơđi čar lăi pơtong, kiăng kiăo tui djơ̆ anăp pơphô bruă či ngă, kiăng pơphun jơnum ruah khua ping gah ling tơhan tal XII tŭ yua sit nik.