Tal nao čuă jơmư sit nik dêh čar Nga anai mơ̆ng ơi Tô Lâm Khua git gai ping gah dêh čar ta hăng bơnai ñu, amra pơgôp prong pơđĭ tui bruă kơđi čar dua bơnah lŏn ia, ngă kơjăp tui tơlơi rô nao rai giăng mah gru grua mơ̆ng đưm, Bơnah ngă hrŏm yom pơphăn hlom bom hăng Nga, pok pơhư prong ngă hrŏm dua bơna amăng bruă tom ngă, pơtrut ngă hrŏm amăng bruă phrâo, lu anŏ gêh găl kah hăng pơkra ia săng jâo hơdjă, boh thâo ia rơgơi, tơlơi pơmin pơčeh rai mơ̆ng ană mơnuih, kơsem min ia rơgơi phun, hrăm ten gah bruă ia jrao, mơnong hơdip.

Thun blan pơ anăp, dua bơnah kơtưn ngă hrŏm lu hloh amăng bruă pơtô pơjuăt. Kơsem min kiăng mă yua tui tơlơi phiăn anŏ gêh găl ră anai, tŭ mă prăk hrăm hră gah dêh čar Nga brơi kơ Việt Nam kiăng pơtô hrăm mơnuih mă bruă rơgơi, lŏn ia ta hlăk kiăng djru man pơdong dêh čar.