Pơhiăp amăng mông jơnum, Khua git gai ping gah ơi Tô Lâm čih pioh, lăi pơtong, bơni kơ tơlơi gir run, pran jua mă bruă, ba jơlan hlâo hăng hơdôm boh tơhnal dưi ngă mơ̆ng ping gah kông an dêh čar, Ding jum kông an hơmâo ngă amăng thun 2024. Laih dơ̆ng, pơtă pơtăn 3 mơta bruă mă yom kiăng đing nao hloh pơtum git gai, pơčrâo trun bruă mă thun blan pơ anăp: Sa lĕ, kông an khom akŏ pơjing akŏ bruă tum teč rơđah rơđong, ngă bruă hơgĕt amăng rơnuk phrâo, rơnuk hrưn đĭ mă pô mơ̆ng djuai ania, khom thâo hluh tong ten laih anun ngă tui tơlơi pơtă pơtăn mơ̆ng Khua mir sir Hồ Chí Minh “Kông an khom hơmâo akŏ bruă či ngă.

Kông an ƀu dưi rơbat tui klôn bruă tuh tia pơkra ming măi mok, bruă ngă hmua, bruă sĭ mơdrô, jơlan glông pơdŭ pơgiăng ôh. Klă hloh lĕ, kông an khom nao hlâo”. Khua git gai ping gah ơi Tô Lâm đăo kơnang, hăng gru grua thâo gum pơgôp sa pran jua, tơlơi khin hơtai kơjăp tơlơi pơmin, sit lăi khom dưi ngă, khin gơgrong ba tong ten, sit nik abih bang amra ngă giong bruă jao amăng thun 2025; pơkơtưn mă bruă, kiăng hơmâo boh tơhnal tŭ yua hiam klă čơkă hơdôm hrơi jơnum prong, ngă yang mơak amăng lŏn ia thun 2025 hăng hơdor glăi 80 thun hrơi gru grua tơhan kông an mơnuih ƀôn sang Việt Nam.