Khua git gai Ping gah ơi Tô Lâm lăi, hăng tơlơi gơgrong bruă jing plơi prong jưh jom hơdôm rơbâo thun gru grua hiam, Hà Nội kiăng pơtŏng glăi abih bang djŏp djang hloh kơ tơlơi đĭ kyar, pok tơbiă tơlơi gêh gal, hơmâo hơdră pơplih phrâo, ba plơi prong jưh jom hrưn đĭ ba akŏ lŏn ia ta. Amăng bruă dăp glăi anom bruă kơnuk kơna, kiăng bong kjăp tơlơi pơmin gum pơgôp, pơtrut tui tơlơi rơgơi mơbruă ba jơlan mơ̆ng khua mua.

Khua git gai Ping gah pơsit bruă ruah mơnuih ngă khua yơh phun ñu, khŏm ngă djơ̆ tơlơi phiăn, kiăng klă kơ abih bang. Laih dong, Hà Nội khŏm kiăng prăp lui klă kơ Jơnum ruah khua ping gah djŏp gưl, ngă truh kih bruă hơmâo jao amăng thun 2025; djă pioh gru grua hiam mơnuih plơi Tràng An, pơplih plơi prong, anih hơdip, djơ̆ hăng kual plơi prong phun mơ̆ng lŏn ia ta.