
Amăng 8 hrơi, hăng 80 mơta bruă mă, khua git gai ping gah ơi Tô Lâm hơmâo bơkơtuai, bưp nao rai hăng khua mua hơdôm dêh čar anun, bưp laih anun pơčrong sai hăng lu khua mua ping gah phun, ƀing ngă bruă sĭ mơdrô, nao čuă anih anom bơwih ƀong huă, anih anom gru grua hăng bưp ƀô̆ mơta mơnuih ƀôn sang dêh čar Việt Nam dŏ ƀơi hơdôm dêh čar anai.

Khua git gai ping gah nao jơnum hrŏm, ĕp lăng ngă Tơlơi yang prong hơdor glăi 80 thun Hrơi blah dưi hmư̆ hing pơgang lŏn ia Nga hăng Kazakhstan, mơ̆ng anun pơdah rai tơlơi pơpŭ laih anun pơ-ư ang biă mă hăng tơlơi khin hơtai pơsăn drơi jăn yua kơ lŏn ia rơnuk blah ngă, rơngiă rơngiom prong prin ƀơi djop dêh čar gah Liên Xô hơđăp amăng rơnuk blah ayăt ƀrưh hmiah ƀing phat sit, pơđut hĭ tơlơi blah wang prong tal dua ƀơi rŏng lŏn tơnah hăng pok jơlan kơ bruă mă phrâo hơkrŭ laih anun pơklaih rơngai djuai ania amăng rŏng lŏn tơnah, amăng anun hơmâo Việt Nam. Hơdôm boh tơhnal dưi ngă amăng tal nao čuă anai jing atur yom biă mă, pran jua pơtrut tơlơi hur har kiăng Việt Nam hăng hơdôm dêh čar ăt dŏ djă pioh, pơđĭ tui hăng ngă kơtang bruă mă giăng mah gru grua, djru hrŏm amăng bruă pơđĭ kyar ƀơi hơdôm dêh čar, yua kơ boh tŭ yua brơi mơnuih ƀôn sang, yua kơ tơlơi rơnuk rơnua, hơdai gum hrŏm, pơđĭ kyar amăng kual laih anun amăng rŏng lŏn tơnah.
Viết bình luận