Khua git gai ping gah ơi Tô Lâm pơdah pran jua hok mơak ƀơi anăp kơ boh tơhnal hiam klă bruă rô nao rai dua bơnah ping gah, dua bơnah lŏn ia thun blan rơgao, amăng anun hơmâo tal nao čuă mơ̆ng Khua dêh čar ơi Phạm Minh Chính nao pơ dêh čar Dominica blan 11 laih rơgao. Khua git gai ping gah ơi Tô Lâm lăi pơtong, Việt Nam čang rơmang ăt kơtưn ngă hrŏm giăng mah mơak klă, jĕ giăm hăng dêh čar Dominica, yua tơlơi tŭ yua mơ̆ng mơnuih ƀôn sang dua bơnah, yua tơlơi rơnik rơnua mơak hăng hơđong laih anun pơđĭ kyar amăng kual hăng amăng rŏng lŏn tơnah.

Khua git gai ping gah kơđai glăi dêh čar Dominica, ơi Miguel Mejia ăt lăi pơtong, amra gir run hloh pơtrut tơlơi đăo kơnang kơđi čar plah wah ping gah khul ngă hrŏm kơđai glăi hăng ping gah apăn bruă phun ƀơi dêh čar Dominica hăng ping gah Việt Nam; ƀuăn amra dong yua Việt Nam amăng djop bruă ƀơi jar kmar hăng jơnum pơprong lu dêh čar wơ̆t hăng dua bơnah ngă ding kơna amăng khul.