Khua mua dua bơnah pơdah pran jua hok mơak ƀơi anăp kơ hơdôm yak pơđĭ kyar hiam klă, hơmâo lu boh tơhnal mơ̆ng bruă ngă giăng mah pŭ ƀăn dua bơnah Ping gah, dua boh dêh čar, dơ̆ng mơ̆ng pơđĭ tui hnơ̆ng ngă giămg mah amăng Khul pơdjru nao rai kơñ pơgi, ba glăi bruă mă yôm pơphăn; ngă hrŏm gah ling tơhan dưi pơtrut kơtang, jai hrơi pơđĭ kyar tŭ yua sit nik.

Khua git gai ping gah ơi Tô Lâm lăi pơtong, Ping gah, kơnuk kơna, ling tơhan hăng mơnuih ƀôn sang dêh čar Việt Nam pơpŭ na nao đôč hăng hơdor pioh tơlơi gum djru mơ̆ng ping gah, ling tơhan hăng mơnuih ƀôn sang Khač djru amăng bruă hơkrŭ kơ lŏn ia kiăng pơklaih rơngai djuai ania hlâo adih ƀơi Việt Nam, ăt kah hăng akŏ pơdong jơlan hơdră mơnuih mơnam ngă pô, bơkơnar chủ nghĩa xã hội. Khua git gai ping gah ơi Tô Lâm rơkâo ling tơhan dua bơnah kơtưn ngă hrŏm, hơdai gum wai lăng hăng pơsir klă hloh hơdôm tơlơi aka ƀu tŭ ư nao rai, kiăng pơgang tơlơi rơnuk rơnua hơđong amăng kual ia rơsĭ; pơsir hơdôm tơlơi dŏ aka ƀu tŭ ư nao rai lĕ hăng jơlan hơdră bưp nao rai rôk ruai kơtuai hĭ mơak, djơ̆ găl hăng tơlơi phiăn, anŏ thâo hluh hrŏm mơ̆ng khua  mua pơprong dua bơnah laih anun tơlơi phiăn jar kmar.