Ƀơi mông tŭ jum, Khua git gai ping gah ơi Tô Lâm đăo kơnang tal rai čuă jơmư anai mơ̆ng ơi pơtao Philippe, hăng ƀing khua mua pơprong kiăo tui ñu, wơ̆t ƀing khua mua sĭ mơdrô, khua sang hră gưl prong, anom kơsem min boh thâo ia rơgơi, amra pơtrut jing pran kơtang phrâo, ba tơlơi ngă giăng mah, lu mơta plah wah Việt Nam hăng Bulgium (Bỉ) jai tong ten hăng dơlăm hloh, tŭ yua lu djru kơ mơnuih ƀôn sang dua bơnah dêh čar rô nao rai mơak hloh, pơgôp hrŏm prong amăng bruă ngă hơđong, pơđĭ kyar kơjăp amăng kual laih anun ƀơi rŏng lŏn tơnah.

Kiăng lăp hăng anŏ gêh găl thâo hơmâo, tơlơi rô nao rai mơ̆ng bruă mă sĭ mơdrô, tuh pơ alin, bruă ngă hmua, pơtô hrăm mơnuih mă bruă kơhnâo rơgơi, gru grua hiam, čơkă tuai hyu; jĕ giăm rô nao rai dua bơnah mơnuih ƀôn sang, laih dơ̆ng pơtrut kơtang hloh bruă ngă hrŏm gah kơsem min boh thâo ia tơgơi phrâo, pơblih anŏ pơčeh phrâo, boh nik ñu kah pơpha hơbô̆ bruă pơđĭ kyar sang bruă sĭ mơdrô mơ̆ng sang hră pơtô hrăm gưl prong dêh čar Bỉ, djru kơ Việt Nam dưi ngă djop tơhnal pơkă pơđĭ kyar truh thun 2030 hăng thun 2045.