Khua git gai Ping gah Nguyễn Phú Trọng jing sa čô khua git gai rơgơi biă mă mơ̆ng Ping gah, kơnuk kơna  hăng mơnuih ƀôn sang ta, hơmâo djŏp tơlơi pơmin, tơlơi rơgơi mơ̆ng sa čô khua git gai lŏn ia Việt Nam amăng rơnuk phrâo.

Amăng thun blan ngă bruă hơkrŭ, akŏ pơdong hăng pơplih phrâo Ping gah wơ̆t hăng tơlơi pơmin kơđi čar jing yôm biă mă hăng Khua git gai Ping gah rơgŏm ơi Nguyễn Phú Trọng. Khua git gai Ping gah rơgŏm ơi Nguyễn Phú Trọng hrŏm hăng Khul khua gum bruă git gai Ping gah čih pơkra jơlan hơdră, git gai ngă truh kih djŏp bruă akŏ pơdong ping gah, pơplih klă tui Ping gah, khut khăt, gir kơtitt pơgăn glăi tơlơi pơmin kiăng klă mă hơjăn, tơlơi pơmin soh sat, pơgăn hưp ham ƀong kông ngăn, ngă bruă soh sat amăng Ping gah. Anai jing bruă pơkơdong ayăt amăng lăm čar tơnap biă mă, ngă brơi Ping gah ta jai hrơi tơpă sit, kơjăp kơtang, pơsit tơlơi gơgrong nao hlâo, rơgơi mơbruă, kiăng Ping gah sit nik “jing tơlơi pơmin hiam, jing tơlơi rơgơi”.