VOV4.Jarai - Ƀrô hrơi Jar kmar pơpŭ kơ đah kơmơi lơ 8/3 hăng bơni hơ-ơč hrơi Jơnum ruah khua pơ ala ƀing đah kơmơi dêh čar ta tal 13, rơwang thun 2022-2027, mơguah lơ 8/3, ƀơi sang bruă Khua git gai pơ ala mơnuih ƀon sang, Khua git gai pơ ala mơnuih ƀon sang dêh čar ơi Vương Đình Huệ hơmâo bưp Grup đah kơmơi đă boh lông Việt Nam - ƀing “Ƀing đah kơmơi Pơtŭ kơñĭ” - ƀing “Đah kơ kơmơi Mah” mơng bruă Đă boh lông Việt Nam. Pơhiăp ƀơi mông bưp, Khua git gai pơ ala mơnuih ƀon sang ơi Vương Đình Huệ lăi, khŏm dưm tơlơi rơgơi bơkơjăp drơi jăn dưm kơnar hăng tơlơi rơgơi pơkŏn mơn kah hăng toán, adoh suang, văn học, tơlơi phiăp....kiăng tañ ƀuh mơnuih rơgơi, thâo pơtô brơi kiăng rơguăt bruă, huăi pơgao lui mơnuih rơgơi amăng bruă bơkơjăp drơi jăn.

Kiăng dưi ngă hơdôm tơlơi ba tơbiă mơ̆ anom bruă bơkơjăp drơi jăn kiăng ngă, amăng anun hơmâo bruă đă boh lông lăi hrŏm hăng ƀing đah kơmơi đă boh lông lăi hơjăn, ơi Vương Đình Huệ kiăng thâo kơjăp, pơđĭ tui tơlơi thâo pơmin mơng Ping gah, Kơnuk kơna kơ pơtrut tui tơlơi gơgrong bruă mơng ƀing đah kơmơi amăng bruă akŏ pơdong hăng pơgang Lŏn ia, kơ pơđĭ kyar ngui ngor bơkơjăp drơi jăn dêh čar ta lăi hrŏm hăng pơđĭ kyar bruă đă boh lông gah ƀing đah kơmơi lăi hơjăn.

Siu H’Mai: Pơblang