VOV4.Jarai-Tlam lơ 25/7, ƀơi tơring čar Quảng Ngãi, Khua git gai pơ ala mơnuih ƀôn sang dêh čar nao čuă hăng mă bruă ƀơi kông ty pơčruh ngăn hrong (djŏng) ia jâo Bình Sơn. Đĭ pơhiăp ƀơi mông jơnum, ơi Vương Đình Huệ lăi pơtong, pơđĭ tui bruă mă sem lăng, pơkra ming măi mok, pơđĭ tui tơlơi thâo thăi hăng kơtưn bruă mă yua boh thâo ia rơgơi hăng pơgôp hrom boh tơhnal mă bruă pơkra pơjing rai gơnam sĭ mơdrô, pơtrun ƀiă prăk pơplai, kiăng pơgang hơđong tơlơi hơdip mơda mơnuih mă bruă.

Khua git gai pơ ala mơnuih ƀôn sang dêh čar ta lăng yôm tơlơi gơgrong ba mơ̆ng Group ia jâo Việt Nam, pơ anăp anai, rơkâo Group ia jâo Việt Nam: Pơtum lu bruă mă, mơnuih mă bruă kiăng ngă giong tơhnal pơtrun pơđĭ kyar bruă ia jâo Việt Nam hăng PVN truh thun 2025, lăng nao pơ anăp adih truh thun 2035; pok pơhai sa amăng plĕ kơčăo bruă dăp glăi sang bruă sĭ mơdrô mơ̆ng PVN, kiăng pơhlôm djă kjăp boh tơhnal tuh pơ alin pơgang ayuh hyiăng kyâo pơtâo, rơnoh mă bruă sĭ mơdrô ia jâo hrong laih, đah mơ̆ng dưi pơhno hăng bruă sĭ mơdrô laih anun pơđĭ tui anŏ hing ang mơ̆ng Petrovietnam amăng jar kmar.

Nay Jek: Pơblang