Amăng mông bưp, Khua git gai pơ ala mơnuih ƀôn sang dêh čar ơi Trần Thanh Mẫn hmâo lăi pơthâo hăng mơnuih pơ ala kơ mơnuih ƀôn sang kơ hơdôm bôh yôm hăng hrơi mông pơphun Tal jơnum lok 9, Khua pơ ala mơnuih ƀôn sang dêh čar ta tal 15; hơdôm hơdră pơtrun mơ̆ng Ping gah kơ bruă ngă hơkrŭ rơbô̆t bruă čar mơ̆ng abih bang glông bruă kơđi čar. Tal jơnum pơkă hlâo pơphun mơ̆ng lơ 5/5 truh lơ 30/6, pel ĕp hluai tui rơbêh kơ 30 rơwang bruă Tơlơi phiăn, 20 hră čih Tơlơi pơtrun pơsit.

Amăng anun yôm phăn hloh lĕ pơpkra glăi 8 mơta tơlơi amăng Phiah phiăn 2013 pioh djru dưm dăp, ngă rơbô̆t bruă čar. Khua git gai pơ ala mơnuih ƀôn sang dêh čar lăi rơđah, anai lĕ sa bruă hơkrŭ pioh rơbô̆t bruă čar, pơhlôm tŭ yua, ba glăi bôh tơhnal, djru mơnuih ƀôn sang. Hlâo kơ anun, ƀrô djơ̆ tal hơdor glăi 50 thun hrơi tlaih rơngai kual Dơnung dêh čar, pơlir hơbit lŏn ia, Khua git gai pơ ala mơnuih ƀôn sang dêh čar ơi Trần Thanh Mẫn hmâo nao čuă, ƀơk gơnam tam kơ Amĭ Việt Nam sông kơtang; čuă, brơi gơnam tam kơ 50 bôh sang anô̆ gah hơdră bruă, mơnuih djru ngă hơkrŭ đưm hăng ngă hơkrŭ ƀơi plơi prong Vị Thanh, tơring čar Hậu Giang./.