Amăng mông bưp, Khua git gai pơ ala mơnuih ƀôn sang dêh čar lăi pơthâo bôh tơhnal Tal jơnum lok 9, Khua pơ ala mơnuih ƀôn sang dêh čar tal 15 hăng pơblang rơđah hơdră pơtrun pơmut hrŏm tơring čar, ƀôn prong lĕ hơdră pơsit hmâo tơhnal gru grua, kiăng rơbô̆t jơlan gah mă bruă, pơđĭ bôh tơhnal wai lăng, mă bruă klă hloh kơ mơnuih ƀôn sang hăng anom bơwih ƀong.

Khua git gai pơ ala mơnuih ƀôn sang dêh čar rơkâo Cần Thơ pơtrut kơtang lăi pơhing, djru mơnuih ƀôn sang thâo rơđah tơhnal ba tơbiă, bôh tŭ yua mơ̆ng bruă pơmut hrŏm. Hrŏm hăng anun, ngă tui anô̆ gal plơi pla, djru tơdruă pioh pơtrut pơđĭ kyar bơwih ƀong – mơnuih mơnam, pơđĭ dlông tơlơi hơdip mơda mơnuih ƀôn sang. Kiăng dưi ngă djơ̆ tơhnal ba tơbiă jing dêh čar pơhrui glăi hơnong ñu lu prăk amăng thun 2030, Cần Thơ khom dưi đĭ kyar bơwih ƀong mơ̆ng 8% hăng lu hloh ră anai hăng đĭ 2 mrô amăng rơwang 2026-2030, dưm kơnar hăng hơnong ñu đơ đam dêh čar./.