VOV4.Jarai-Mơguah lơ 29/7, ƀơi sang bruă khua pơ ala mơnuih ƀôn sang dêh čar, Jơnum min Tơlơi phiăn mă bruă hăng hơdôm ding jum, anom bruă pơdjơ̆ nao bruă pơblih glăi, pơhrua nao dơ̆ng Hră pơtrun mrô 1210 mơ̆ng Jơnum min git gai phun pơ ala mơnuih ƀôn sang dêh čar, kơ bruă pơkă guai plơi prong hăng Hră pơtrun mrô 1211 kơ tơhnal pơkă lăp sa boh anom bruă plơi prong laih anun pơpha hơdôm mơta plơi pla anom bruă.

Mông jơnum abih bang

Pơhiăp ƀơi mông jơnum, Khua git gai pơ ala mơnuih ƀôn sang dêh čar, ơi Vương Đình Huệ lăi pơtong, bruă pơpha guai dêh čar jing anih anom pơkă guai wai lăng, pơphun bruă mă gong gai kơnuk kơna plơi sa tơlơi phiăn hơmâo đôč; kơ bruă pơpha djuai plơi prong, ƀuh rơđah, pơphun gong gai kơnuk kơna djop tơring čar, plơi pla lêng rơkâo pơblih glăi 2 hră pơtrun anai. Ơi Vương Đình Huệ, Khua git gai pơ ala mơnuih ƀôn sang dêh čar pơtrun hiăp: bruă pơpha djuai, pơkă guai anom bruă kơnuk kơna plơi pla khom ngă tui sa hnong amăng dêh čar, samơ̆ ăt hơmâo mơ̆n anŏ phara hơjăn tui hluai gêh găl; khom kơsem min tong ten, hơmâo không pơkă lăng, khom ngă djơ̆ sa hnong pơkă amăng dêh čar, giong anun, pơpha gưl bruă gong gai kơnuk kơna pioh ngă tui djơ̆.

Nay Jek: Pơblang