Đĭ pơhiăp amăng mông jơnum, Khua git gai pơ ala mơnuih ƀon sang dêh čar ơi Vương Đình Huệ lăi pơthâo glăi hơdôm mông jơnum yôm phăn amăng tal rai čuă mơng Khua dêh čar New Zealand  pơ Việt Nam laih rơgao, dua bơnah hơmâo kĭ tơlơi pơkôl ngă hrŏm kơplah wah dua Ding jum pơtô pơjuăt Việt Nam - New Zealand, tui hăng Khua git gai pơ ala mơnuih ƀon sang dêh čar, anai lĕ tơlơi gal yôm phăn biă mă kiăng dua bơnah kơtưn pơlir hơbit, ngă hrŏm amăng pơtô pơjuăt ƀu djơ̆ kơnong kơplah wah dua Kơnuk kơna, dua Ding jum đôč ôh mơ̆ ăt kơplah wah hơdôm aninh anom pơtô hrăm dong.

Lăi pơtong, bruă ngă hrŏm amăng bruă pơtô pơjuăt hăng New Zealand amra pơlir hăng pơtô tơlơi Angle, Khua git gai pơ ala mơnuih ƀon sang dêh čar brơi thâo, anai lĕ tơlơi gêh gal mơ̆ ƀu djơ̆ dêh čar hơpă lêng kơ hơmâo; laih dong čang rơmang Jơnum anai amra pok rai rơwang phrâo brơi kơ bruă ngă hrŏm pơtô pơjuăt kơplah wah Việt Nam - New Zealand.