Lu mơnuih ƀôn sang đing nao hơdôm bruă bơdjơ̆ nao hơdră djru mơnuih mă bruă mut phung; bruă duh hăng mă yua hră pơhlôm nua ia jrao, hră pơhlôm nua mơnuih mơnam. Hăng hơdôm tơlơi tơña tui tơlơi glăm ba mơng ƀôn lan, khua mua hơdôm gơnong bruă, anom bruă, Jơnum min mơnuih ƀôn sang tơring čar  Hậu Giang hơmâo lăi glăi mơtăm kiăng mơnuih ƀôn sang rơđah. Khua git gai pơ ala mơnuih ƀôn sang dêh čar ơi Trần Thanh Mẫn rơkâo, hăng hơdôm tơlơi tơnap tap mơng mơnuih ƀôn sang, khua mua tơring čar kiăng hluh rơđah tơlơi pơtô mơng wa Hô anun lĕ “Bruă hơget ba glăi tơlơi dưi kơ mơnuih ƀôn sang amra ngă mơtăm, bruă hơget ba glăi tơlơi sat kiăng kơ bĕ hĭ”.

Sit biă ñu, hơdôm tơlơi ngă bơngŏt amăng mơnuih mơnam kiăng pơsir lăp djơ̆. Khua git gai pơ ala mơnuih ƀôn sang dêh čar pơtăn, tơdơi kơ mông bưp mơnuih ƀôn sang, ƀing khua pơ ala mơnuih ƀôn sang tơring čar Hậu Giang, Jơnum min djop djuai ania mơnuih mơnam pơƀut glăi tơlơi pơgôp hiăp kiăng lăi pơthâo anom bruă Khua pơ ala mơnuih ƀôn sang, mơ-it nao hơdôm tơlơi rơkâo tui tơlơi glăm ba mơng Kơnuk kơna, djop ding jum, gơnong bruă kiăng pơsir hĭ.