Đĭ pơhiăp amăng mông pok pơphun, Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong kơ bruă dưm dăp anih anom mă bruă hơbot tal anai kiăng khut khăt, bruă dưm dăp kiăng pơhlôm brơi anih anom mă bruă hơbot-kơtang-mă bruă klă-tŭ yua, ƀu dưi dưm dăp tui gal hăng djơ̆ tơlơi črâo ba gơnong glông ba jơlan hlâo hăng ƀon lan ngă tui. Tơdơi kơ pơmut hrŏm, dưm dăp hơbot, him lăng mrô hơdôm anom bruă mơng Ƀirô Khua pơ ala mơnuih ƀôn sang dêh čar, anom bruă amăng Jơnum min apăn bruă Khua pơ ala mơnuih ƀôn sang dêh čar, hơdôm anih mă bruă mơng anom bruă Khua pơ ala mơnuih ƀôn sang dêh čar amra hrŏ trun rơbêh 30%.

Khua git gai pơ ala mơnuih ƀôn sang dêh čar ơi Trần Thanh Mẫn rơkâo ƀing khua mua nao jơnum đing nao pơgôp tong ten amăng rĭm boh tơhnal tui črăn hră mơ-it, lăi pơthâo, pơgiong hră lăi pơthâo mơ-it Khul Ping gah Khua pơ ala mơnuih ƀôn sang pơgôp hiăp, kiăng hmao tlôn lăi pơthâo ding jum kơđi čar djơ̆ hrơi mông pơkă lĕ hlâo lơ 31/12/2024.