Pơhiăp klah čun bruă mă, Khua git gai pơ ala mơnuih ƀôn sang dêh čar ơi Trần Thanh Mẫn lăi lĕ, Hải Phòng hmâo lu anô̆ gal, dêh čar hmâo mă yua lu hơdră pơtrun, hơdră bruă yôm phăn dưm phun akha kơ tơlơi pơđĭ kyar mơ̆ng ƀôn prong amăng rơwang pơ̆ anăp.

Pơsit yôm hơdôm bôh tơhnal mơ̆ ƀôn prong Hải Phòng hmâo laih amăng bruă ngă tui Tơlơi pơtrun pơsit mrô 35, rơđah biă ñu lĕ pơhrua nao rơđah tơhnal pơkă mơ̆ng ngăn drăp, pơpha gưl wai lăng tơlơi pơkă đĭ prăk pơhrui glăi kơ mơnuih apăn bruă, mơnuih mă bruă čar, Khua git gai pơ ala mơnuih ƀôn sang dêh čar brơi thâo, tơlơi anai pơdah kơ hơdôm hơdră pơsit mơ̆ng Ping gah, Khua pơ ala mơnuih ƀôn sang, Gong gai dêh čar lĕ djơ̆ biă. Pơ̆ anăp anai, Khua git gai pơ ala mơnuih ƀôn sang dêh čar ơi Trần Thanh Mẫn lăi pơphô brơi ƀôn prong Hải Phòng khom pel ĕp tŏng ten hơdôm hơdră pơkă, hơdră bruă hmâo amăng Tơlơi pơtrun pơsit mrô 35 pioh pơplih pơkra, pơhrua nao kah hăng kiăng pơplih phrâo hloh lĕ khom ngă hmâo akô̆ phun, tơlơi phun, hơdôm tơlơi hơget phun, yôm hloh pioh pơplih pơđĭ kyar./.