Amăng mông tơña hăng lăi glăi amra pơphun amăng sa hrơi ha mơkrah đing nao hơdôm bruă dưi ngă, aka ƀu dưi ngă amăng ngă tui hơdôm tơlơi pơtrun mơng Jơnum min apăn bruă Khua pơ ala mơnuih ƀôn sang dêh čar kơ krăo lăng bruă mă laih dong bruă tơña hăng lăi glăi mơng akŏ rơwang mă bruă Khua pơ ala mơnuih ƀôn sang dêh čar tal 15 truh abih thun 2023.

Amăng mông tơña hăng lăi glăi kơ bruă anai, Khua git gai pơ ala mơnuih ƀôn sang dêh čar pơsit, bruă git gai amra ƀu kiăo tui phara mông tơña hăng rĭm čô Khua ding jum, gơnong bruă kiăng plai ƀiă glêh tơnap brơi mơnuih lăi glăi; rĭm bruă, Khua pơ ala mơnuih ƀôn sang amra tơña hơdôm bruă mơ̆ ƀing gơñu đing nao tui tơlơi sit nik ră anai, pơhlôm brơi djơ̆ bruă kiăng pơsir, anăm tơña tong ten đơi ôh; pô git gai kiăng hơdeč hmar ƀiă dong; bruă pơsit tong glăi kiăng ber lăp djơ̆ hloh. Khua git gai pơ ala mơnuih ƀôn sang dêh čar rơkâo Kơnuk kơna, djop ding jum, gơnong bruă kiăng pơgiong bruă mơ-it nao hră lăi pơthâo kơ Jơnum min apăn bruă Khua pơ ala mơnuih ƀôn sang lơ 16/8.