Pơ ala brơi khua mua Ping gah, Kơnuk kơna, Khua git gai pơ ala mơnuih ƀôn sang dêh čar ơi Trần Thanh Mẫn lăng yôm hăng pơpŭ hơdôm tơlơi dưi yôm phun amăng să Thạnh Xuân dưi ngă amăng 5 thun rơgao; bruă prap lui jơnum klă hloh tui tơlơi git gai mơng gơnong glông hăng mơng ƀôn prong Cần Thơ hăng pran jua pơplih phrâo, tơlơi đăo gơnang phrâo brơi rơwang ngă bruă phrâo.

Jơnum hơmâo hmư̆ lăi pơthâo tơlơi pơtrun mơng Khul apăn bruă Ping gah ƀôn prong Cần Thơ kơ bruă ruah Khul apăn bruă, khul djru bruă, khua git gai, kơ-iăng khua git gai Ping gah să Thạnh Xuân rơwang thun 2025-2030. Tui anun, Khul apăn bruă Ping gah să hơmâo 33 čô khua mua; Khul djru bruă Ping gah să hơmâo 11 čô. Khua git gai Ping gah să Thạnh Xuân lĕ yă Phạm Thị Thùy Dung.