Hmư̆ tui tơlơi jăk iâo mơ̆ng Khua Khul pơlir hơbit Khua pơ ala mơnuih ƀôn sang Rŏng lŏn tơnah (IPU) Tulia Ackson hăng Khua čih pioh gah Khul pơlir hơbit Khua pơ ala mơnuih ƀôn sang Rŏng lŏn tơnah Martin Chungong, Khua git gai pơ ala mơnuih ƀôn sang dêh čar Armenia Alen Simonyang, Khua git gai pơ ala mơnuih ƀôn sang dêh čar ơi Trần Thanh Mẫn pơ ala kơ Khua git gai Ping gah, Kơnuk kơna Việt Nam hăng Bơnai ñu nao pơhmư̆ Jơnum tal 150 mơ̆ng Khua pơ ala mơnuih ƀôn sang Rŏng lŏn tơnah, čuă sit nik dêh čar Armenia mơ̆ng lơ 2-5/4/2025.

Bruă Khua git gai pơ ala mơnuih ƀôn sang dêh čar ơi Trần Thanh Mẫn nao pơhmư̆ mông jơnum tal anai jing sa gru pơđom pioh phara ha jăn, brơi ƀuh pran jua phrâo hăng tơlơi pơkôl prong mơ̆ng Việt Nam amăng tal bơkơtuai bruă Khua pơ ala mơnuih ƀôn sang lu bơnah yôm phăn anai, amăng mông tơlơi ƀơi rŏng lŏn tơnah ră anai rim dêh čar khom gum tơngan hrŏm bơkơtuai, lăi pơthâo tơlơi găn rơgao, ba tơbiă hơdôm tơlơi pơčeh phrâo pioh pơsir hơdôm tơlơi lông hrŏm. Hăng bruă dua bơnah, tal nao čuă dêh čar Armenia mơ̆ng Khua git gai pơ ala mơnuih ƀôn sang dêh čar ơi Trần Thanh Mẫn lĕ tal blung a mơ̆ng sa čô khua git gai pơ ala mơnuih ƀôn sang dêh čar Việt Nam, ăt kah hăng tal nao čuă dlông hloh mơ̆ng Khua git gai Việt Nam yap mơ̆ng hrơi dua bôh dêh čar akô̆ pơjing tơlơi rô nao rai bruă pơtôm hiăp. Gah bruă kơđi čar – pơtom hiăp, Armenia lăng Việt Nam lĕ bơnah yôm phăn amăng kual Đông Nam Á. Dua bôh dêh čar djă pioh bruă bơkơtuai grŭp, pơbưp hơdôm gưl, amăng anun hmâo gưl dlông./.