Ƀơi mông tŭ jum, ơi Trần Thanh Mẫn lăi, tơlơi rô nao rai plah wah anom bruă khua pơ ala mơnuih ƀôn sang Việt Nam hăng anom bruă pơ ala mơnuih ƀôn sang kual Mi kô̆ hlăk pơđĭ kyar hiam klă, mơak mơai. Dua bơnah hlăk ngă hăng amra ngă hrŏm tong ten, djru pơtrut tui bruă ngă hrŏm Việt Nam hăng EU laih anun pơdjru nao rai tơlơi thâo thăi amăng bruă mă pơ ala mơnuih ƀôn sang, ngă pơgiong tơlơi phiăn pơtrun pok pơhai ngă tui Hră pơkôl sĭ mơdrô rơngai Việt Nam-EU, tơhnal pơkă lu hloh lĕ kiăng ba glăi boh tŭ yua kơ mơnuih ƀôn sang hăng anom bruă sĭ mơdrô dua bơnah.

Khua git gai pơ ala mơnuih ƀôn sang ơi Trần Thanh Mẫn hăng ƀing pơ ala mơnuih ƀôn sang hơdôm dêh čar ding kơna EU

Khua git gai pơ ala mơnuih ƀôn sang dêh čar ơi Trần Thanh Mẫn bơni bruă Jơnum min wai lăng mơdrô jar kmar rơkâo akŏ pơjing bruă ngă hrŏm mơ̆ng anom bruă pơ ala mơnuih ƀôn sang Việt Nam hăng anom bruă pơ ala mơnuih ƀôn sang kual Mi kô̆. Dua bơnah hơmâo pơtruh nao rai, ngă hrŏm re se laih anun pơčrong sai na nao plah wah ƀing khua pơ ala mơnuih ƀôn sang kual Mi kô̆ hăng ƀing pơ ala mơnuih ƀôn sang Việt Nam kiăng pơtrut bruă ngă tui tŭ yua Hră pơkôl sĭ mơdrô rơngai Việt Nam -EU, djru hrŏm amăng bruă pơđĭ kyar tơlơi rô nao rai Việt Nam-EU.