Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong, amăng thun blan pơđĭ kyar mơng tlâo boh dêh čar, pran gum pơgôp yôm phăn, tơlơi rô nao rai yôm phăn, tơlơi rô nao rai giang mah tlâo bơnah, gru grua hăng ngă hrŏm djop mơta kơplah wah tlâo Ping gah, Kơnuk kơna, mơnuih ƀôn sang hăng đah kơmơi tlâo boh dêh čar lĕ atur yôm phăn pơhlôm brơi bruă pơđĭ kyar  ƀơi rĭm boh dêh čar hăng amăng kual. Ping gah, kơnuk kơna hăng mơnuih ƀôn sang dêh čar Việt Nam lêng kơ lăng yôm, djă pioh hăng pơtrut tơlơi rô nao rai giang mah gru grua hăng Ping gah, Kơnuk kơna, mơnuih ƀôn sang Lao hăng Kur.

Khua git gai pơ ala mơnuih ƀôn sang dêh čar hok mơ-ak lơm tơlơi rô nao rai giang mah gru grua tlâo boh dêh čar hăng khul đah kơmơi tlâo bơnah jai hrơi pơđĭ kyar. Khul đah kơmơi tlâo boh dêh čar hơmâo lu bruă mă pơlăi nao rai tong ten pơgôp kơtưn tơlơi rô nao rai hăng pơtrut pơđĭ kyar đah kơmơi ƀơi rĭm boh dêh čar, sit biă ñu lĕ bruă kĭ pơkôl hăng ngă tui tơlơi pơkôl ngă hrŏm rơwang thun 2022-2027 hăng hơdôm boh tơhnal sit nik, djơ̆ hăng tơlơi rơkâo mơng đah kơmơi hăng khul đah kơmơi tlâo boh dêh čar.