VOV4.Jarai - Tŏ tui hrơi mông mă bruă amăng hơdôm hrơi nao čuă sit nik dêh čar Angle, tlam lơ 29/6, tui mông ƀơi Angle, ƀơi plơi prong jưh jom London, Khua git gai pơ ala mơnuih ƀon sang dêh čar ơi Vương Đình Huệ bưp Khua anom bruă prăk kak London Peter Estlin. Amăng mông bưp, Khua git gai pơ ala mơnuih ƀon sang dêh čar ơi Vương Đình Huệ lăi pơtong, tơlơi gơgrong mơng Anom bruă prăk kak London lĕ sa amăng hơdôm anih bơwih ƀong prong hloh  amăng rŏng lŏn tơnah, lu khul grup prăk kak, sang bruă prăk ƀơi Angle anun lĕ Prudential, HSBC, Standard Chartered…hơmâo mă bruă tŭ yua ƀơi Việt Nam amăng thun blan laih rơgao. Khua pơ ala mơnuih ƀon sang dêh čar rơkâo gum djru brơi Việt Nam pơgiong tơlơi phiăn amăng bruă prăk kak, sang bruă prăk, plang čom puang amăng hơdôm kông ti hăng anom bơwih ƀong sĭ mơdrô. Dua bơnah pơdah tơlơi čang rơmang, pơ anăp anai, tơlơi rô nao rai ngă hrŏm amăng djop gưl, pơjing hơdră bruă, tơlơi phiăn, jŭ yap bruă čan prăk, klă dong amăng bruă prăk kak mơng hơdôm anom bơwih ƀong sĭ mơdrô, pơtrut tơlơi rô nao rai sĭ mơdrô kơplah wah Angle hăng Việt Nam jai hiam klă tui.

Siu Đoan: Pơblang