VOV4.Jarai-Amăng tal nao čuă jơmư sit nik dêh čar Lao, mơguah lơ 17/5, ƀơi plơi prong jưh jom Vientian, ơi Vương Đình Huệ hơmâo bưp ră ruai tom Khua dêh čar Lao, ơi Phankham Viphavanh. Ƀơi mông bưp, dua čô khua pơdah pran jua hok mơak kơ tơlơi ngă giăng mah pơđĭ kyar thun blan rơgao, lăng yôm bruă mă glăm ba mơ̆ng dua bơnah gir run kiăng pơblih nao rai khua mua čuă jơmư hăng bưp nao rai re se.

Ơi Vương Đình Huệ lăi pơtong, khua mua pơ ala mơnuih ƀôn sang dêh čar Việt Nam lăng yôm biă mă čih pơkra hăng ngă giong tơlơi phiăn, kiăng hmao hăng anŏ kiăng rơnuk phrâo laih anun mut phung jar kmar, dong yua na nao laih anun krăo lăng tong ten, pơtrut ngă tui lu hơdră ngă hrom dua bơnah kơnuk kơna Việt Nam hăng Lao. Kơ bruă ngă hrom kơñ pơđi, dua bơnah khua mua lăi brơi ngă hrom pok pơhai djơ̆ tơlơi pơkôl mơ̆ng khua mua dua bơnah.

Tŭ ư hơduah ĕp hơdră pơtrut kơtang hloh, kiăng ngă hrom bơwih ƀong huă jing tơmeh phun amăng bruă ngă pŭ ƀăn dua bơnah, lăp hăng tơlơi ngă giăng mah yôm phara Việt-Lao.

Nay Jek: Pơblang