VOV4.Jarai-Tlam lơ 2/6, ƀơi sang bruă khua git gai pơ ala mơnuih ƀôn sang dêh čar, ơi Vương Đình Huệ Khua git gai pơ ala mơnuih ƀôn sang dêh čar bưp ƀing pơ ala thun hlăk ai. Ơi Vương Đình Huệ lăng  yôm bruă mă mơ̆ng khul khua mua pơ ala mơnuih ƀôn sang dêh čar thun hlăk ai, dơ̆ng mơ̆ng phrâo akŏ pơjing truh ră anai, ƀing hlăk ai ngă pô pơ ala hơmâo pơgôp pran prong biă mă djop mông jơnum lok tal 15. Amăng mông jơnum kơđi čar, pơ ala mơnuih ƀôn sang dêh čar, lu mơnuih ngă pô pơ ala thun hlăk ai mă bruă hur har, abih pran jua, hơmâo tơlơi pơgôp hiăp djơ̆ lăp, hlôm bôm, lu mơnuih ƀôn sang ƀôn sang ruah khua čih pioh.

Kiăng djă bong na nao tơlơi gơgrong anun, bruă ngă hăng boh tơhnal ngă bruă thun blan pơ anăp, Khua git gai pơ ala mơnuih ƀôn sang dêh čar ơi Vương Đình Huệ rơkâo, ƀing khua mua pơ ala mơnuih ƀôn sang dêh čar thun hlăk ai ăt kơtưn ƀư̆ pơkra pran jua, hrăm lu kiăng ngă djơ̆ tơhnal pơtrun kơ khua mua pơ ala mơnuih ƀôn sang dêh čar, tơlơi thâo bruă kơđi čar, tơlơi thâo amăng bruă mă, hrăm hră, dưi ngă bruă jao, mă bruă abih pran jua, tơlơi pơmin kơ bruă pơ ala mơnuih ƀôn sang dêh čar.

Nay Jek: Pơblang