Tui akŏ bruă, Jơnum bơkơtuai bơwih ƀong huă-mơnuih mơnam Việt Nam thun 2023 hăng anăn “Pok phư rơnoh mă yua rơnoh prăk, ngă gêh gal pơtrut pơđĭ kyar phrâo hăng hơđong kjăp: Khua git gai pơ ala mơnuih ƀon sang dêh čar ơi Vương Đình Huệ brơi thâo jơnum kiăng ngă rơđah amăng hrơi blan jar kmar, hơdră pơplih bơwih ƀong huă hăng tơlơi lông phrâo hăng bruă hơkrŭ, pơđĭ kyar bơwih ƀong huă hăng tơlơi bơdjơ̆ nao Việt Nam, jơnum kiăng lăi glăi djop mơta, tơpă sit tơlơi sit nik amăng bơwih ƀong amăng lŏn ia 6 blan akŏ thun 2023.

Bơdjơ̆ nao akŏ bruă “Pơsir hĭ tơlơi gun, pok phư mă yua rơnoh prăk, djru bơwih ƀong sĭ mơdrô găn rơgao tơnap tap”, amăng mông jơnum ƀing khua mua lăi rơđah tơlơi dưi amăng hrơi blan laih rơgao amăng pok prong bơwih ƀong hơđong hăng kiăng găn rơgao tơlơi gun găn, tơlơi lông kiăng pơđĭ kyar glăi, akŏ phun kiăng anăp nao pơgi kơdih. Ƀing khua mua ăt tŭ ư hăng akŏ bruă “Pơhlôm bruă mă, djru mơnuih mơnam, pơgôp pơtrut pơđĭ kyar hăng hơđong kjăp” hăng rơkâo hrưn đĭ tơlơi thâo thăi mơng mơnuih mă bruă, pơgiong hơdră djru tui hră pơhlôm nua mơnuih mơnam, hơđong bruă mă, anăp nao pơđĭ kyar mơtah, hơđong kjăp.