VOV4.Jarai - Tlam mơmŏt lơ 1/4, ƀơi Ƀirô mă bruă, Khua git gai pơ ala mơnuih ƀon sang dêh čar ơi Vương Đình Huệ git gai mông mă bruă hăng khua mua Ping gah tơring čar Bến Tre. Mông mă bruă đing nao hmư̆ abih bang tơlơi bơwih ƀong huă-mơnuih mơnam amăng tơring čar Bến Tre amăng thun 2021; hmư̆ hơdôm tơlơi pơgôp hiăp, tơlơi rơkâo mơng tơring čar kơ hơdôm hơdră bruă tong ten, kiăng kơ djru brơi tơring čar Bến Tre pơđĭ kyar lơ̆m Khua dêh čar ơi Phạm Minh Chính phrâo tŭ yap akŏ bruă pơđĭ kyar kual lŏn dăo Cưủ Long.

Mông mă bruă

Đĭ pơhiăp amăng mông mă bruă, Khua git gai pơ ala mơnuih ƀon sang dêh čar ơi Vương Đình Huệ tŭ ư hăng hơdôm tơlơi rơkâo mơng tơring čar Bến Tre kơ bruă pok pơhai lông lăng hơdôm akŏ bruă bơwih ƀong ter hang ia rơsĭ ƀơi hơdôm kual amăng tơring čar, ơi Vương Đình Huệ pơtă pơtăn, tơring čar kiăng gum hrŏm kjăp hăng Ding jum kơčăo bruă hăng tuh pơ alin kiăng kơ ngă tui. Khua git gai pơ ala mơnuih ƀon sang dêh čar dong yua tơlơi rơkâo mơng tơring čar kiăng tañ tuh pơ alin man pơkra jơlan kơtuai tui tơdrông Rạch Miễu 2; rơkâo tơring čar gum hrŏm hăng Ding jum pel ĕp glăi hơdôm rơnoh prăk, pơphô bruă Kơnuk kơna, Khua pơ ala mơnuih ƀon sang dêh čar sem lăng, pơsir hĭ bruă kah pha prăk kak brơi hơdôm akŏ bruă.

Siu Đoan: Pơblang