VOV4.Jarai - Mơguah lơ 8/2, Khua git gai pơ ala mơnuih ƀon sang dêh čar ơi Vương Đình Huệ nao čuă, pơpŭ thun phrâo ƀơi Grup čoh sum ao Việt Nam (Vinatex). Pơ ala khua mua Ping gah, Kơnuk kơna, Khua pơ ala mơnuih ƀon sang dêh čar, Jơnum min apăn bruă Khua git gai pơ ala mơnuih ƀon sang dêh čar, ơi Vương Đình Huệ lăng yôm hơdôm tơlơi dưi ngă mơng kông ti čoh sum ao amăng thun 2021. Thun pơ anăp, Khua git gai pơ ala mơnuih ƀon sang dêh čar ơi Vương Đình Huệ rơkâo, Vinatex pơhrăm tui hơdôm tơlơi găn rơgao, tŭ mă tơlơi dưi, pơplih bruă ba sĭ mơdrô gơnam tam gưl dêh čar kah hăng pơjing bruă pơlir hơbit amăng sĭ mơdrô tar ƀar rŏng lŏn tơnah; hrŏm hăng sĭ mơdrô pơ tač rơngiao, grup kiăng đing nao sĭ gơnam amăng lŏn ia hăng giăm 100 klăk čô mơnuih.

Ơi Vương Đình Huệ čang rơmang, Vinatex kiăng tŏ tui pơplih phrâo, pơjing bruă pơlir hơbit mut hrŏm hăng mơnuih mă bruă brơi lăp djơ̆, hơđong hăng klă ƀiă dong. Kơtưn amăng bruă pơjing Ping gah mă bruă tơpă sit, hơđong kjăp, ngă tui pran gơgrong mơng khul mơnuih mă bruă mut phung amăng grup, mut hrŏm pơjing rơnuk mơnuih mă bruă ƀơi Việt Nam pơplih phrâo, prong kơtang, lĕ ƀing ba jơlan hlâo ngă tui bruă jao pơđĭ kyar tañ hăng hơđong kjăp.

Siu Đoan: Pơblang