VOV4.Jarai - Tlam lơ 13/1, Khua git gai pơ ala mơnuih ƀon sang dêh čar ơi Vương Đình Huệ nao jơnum lăng glăi bruă mă thun 2021 hăng pok pơhai bruă mă thun 2022 ƀơi anom mă tơlơi pơhing khua mua pơ ala mơnuih ƀon sang. Amăng thun 2021, hră pơhing tŏ tui ngă klă bruă jao amăng pôr pơhing, lăi pơthâo. Laih dong, gơgrong lĕ anom bruă pôr pơhing hơdôm bruă mơng Khua pơ ala mơnuih ƀon sang dêh čar, Khul pơ ala mơnuih ƀon sang djop gưl truh pơ mơnuih ƀon sang, hơdôm tơlơi gir run pơplih phrâo, gir run mă bruă mơng Khua pơ ala mơnuih ƀon sang dêh čar; lăi pơthâo hmao tlôn hơdôm tơlơi rơkâo đĭ, tơlơi kiăng mơng abih bang mơnuih ƀon sang.

Khua git gai pơ ala mơnuih ƀon sang dêh čar ơi Vương Đình Huệ phĭn rup hrŏm

Kơ bruă mă amăng thun 2022, Kơ-iăng Khua pơ ala mơnuih ƀon sang dêh čar rơkâo anom mă tơlơi pơhing khua mua pơ ala mơnuih ƀon sang tŏ kiăo tui hơdôm jơlan hơdră bruă mă mơng Ping gah grup Khua pơ ala mơnuih ƀon sang dêh čar ngă tui tơlơi pơsit mơng Jơnum Ping gah tal 13, hrưn đĭ klă dong amăng bruă dăp hơdră, Ping gah, hơdôm grup kơđi čar, bruă mă mơng Anom mă tơlơi pơhing.

Siu Đoan: Pơblang