VOV4.Jarai - Mơmot lơ 13/5, ƀơi tơdron adoh ƀon prong Hải Phòng, hơmâo pơphun jơnum ngui bơnga ting - Hải Phòng 2022, ƀrô ngă lơphet 67 thun hrơi tlaih rơngai Hải Phòng. Khua git gai pơ ala mơnuih ƀon sang ơi Vương Đình Huệ nao pơhmư̆ mông jơnum. Pơhiăp ƀơi mông ngă lơphet, Khua Jơnum min mơnuih ƀon sang ƀon prong Hải Phòng Nguyễn Văn Tùng brơi thâo, amăng rơnuk akŏ pơjing hăng djă bong lŏn ia, Hải Phòng lêng hơmâo hơdôm rơnuk ơi pơtâo pơsit jing “bah amăng mut nao rai mơng Plơi prong đưm”, jing anih “čơkă hlâo djŏp tơlơi hŭi rơhyưč, tơlơi lông prong” laih dong jing “hla pơgăn kơjăp” pơgang ba lŏn ia.

Ơi Vương Đình Huệ nao pơhmư̆ mông jơnum ngui bơnga ting - Hải Phòng

Hơmâo Ping gah, Kơnuk kơna ta lăng ba, anun jing Hải Phòng pơđĭ kyar kơtang hăng pơplih phrâo prong. Mrô dưi bơhơnô gưl tơring čar hơdôm thun giăm anai lêng pơplih hiam, thun tơdơi hơmâo dăp mrô lu hloh kơ thun hlâo. Jơnum ngui bơnga ting - Hải Phòng 2022 jing hrơi mông pơƀuh rup, pơtrut pơkra lu mơta gơnam pioh kơ tuai hyu ngui; gum pơplih tui tơlơi bơwih ƀong, pơđĭ kyar bơwih ƀong huă mơnuih mơnam mơng ƀon prong.

Siu H’Mai: Pơblang