Ƀơi mông ngă bruă, pơ ala kơ Jơnum min mơ̆ng Khua pơ ala mơnuih ƀôn sang dêh čar, hơdôm ding jum anom bruă bơdjơ̆ nao lăng yôm boh than ba glăi mơ̆ng ƀôn prong Hà Nội hơmâo ngă amăng hrơi blan rơgao. Tơdơi kơ 15 thun pơkă glăi anih anom mă bruă kơnuk kơna, ƀôn prong hơmâo lu tơlơi pơplih. Hà Nội hơmâo lu bruă dưi ngă, GRDP đĭ mơn; prăk pơhrui glăi mơ̆ng ƀôn prong rơgao hloh hăng mrô đăo lăng hlâo.

Pơhiăp klah čun mông mă bruă, ơi Vương Đình Huệ lăi, ƀôn prong Hà Nội gir ngă bruă, pok pơhai klă hơdôm tơlơi pơtrun mơ̆ng Ping gah, tơlơi pơtrun mơ̆ng ƀôn prong, hơdôm tơlơi pơtrun mơ̆ng Kơnuk kơna, Ƀirô khua pơ ala mơnuih ƀôn sang, mơ̆ng Ping gah dêh čar laih anun dưi ngă amăng lu bruă yôm phun. Hrơi blan pơ anăp, Khua git gai pơ ala mơnuih ƀôn sang ơi Vương Đình Huệ kiăng Hà Nội lăng glăi bruă mă kơplah wang thun ngă bruă, kiăng pơđĭ kyar tañ, kơtang hloh, lăng glăi tơlơi dưi ngă pơgiong rơnoh pơkă pơđĭ kyar bơwih ƀong huă, mơnuih mơnam amăng abih rơwang thun ngă bruă; ngă klă hloh dong bruă tuh pơ alin, pơphun ngă hơdôm bruă hơmâo dưm dăp hlâo; ngă rơđah yua hơget pran jua gir kơtir mơ̆ng abih bang tơdu trun pơhmu hăng đơ đam dêh čar ta.