Pơhiăp ƀơi anăp mơnuih rơgơi kơhnâo, Khua git gai pơ ala mơnuih ƀôn sang ơi Vương Đình Huệ ră ruai hơdôm bruă hơmâo ngă mơ̆ng dêh čar Việt Nam laih anun hăng hơdră đĭ kyar. Khua git gai pơ ala mơnuih ƀôn sang dêh čar lăi nao 3 tơlơi kiăng kơđiăng lui tơbiă mơ̆ng tơlơi hơmâo sit nik mơ̆ng dêh čar Việt Nam, anun lĕ kiăo tui tơlơi gơgrong bruă mơ̆ng Ping gah, Kơnuk kơna, Ƀirô khua pơ ala mơnuih ƀôn sang dêh čar Việt nam hăng tơlơi pơmin mă ană mơnuih ngă phun.

Lăi pơtŏng, anăp nao sa Rơnuk pơ anăp rơnuk rơnua hăng Pơđĭ kyar, anăp nao 50 thun pơ anăp dong kơ tơlơi rô nao rai dua boh dêh čar, Khua git gai pơ ala mơnuih ƀôn sang dêh čar ơi Vương Đình Huệ rơkâo Việt Nam - Iran gum tơngan hơkrŭ kơjăp 4 tơlơi pơtruh, anun lĕ bruă pơtom hiăp hăng ngă hrŏm. Tui hăng Khua git gai pơ ala mơnuih ƀôn sang dêh čar ơi Vương Đình Huệ, đăo gơnang kơđi čar jing bruă yôm, jing atur djru tơlơi ngă hrŏm dua bơnah hơmâo boh than klă hiam.