Ơi Vương Đình Huệ lăi, dêh čar Việt Nam lăng yôm kơ ILO amăng bruă djru ba Việt Nam kơsem min, pơsit, pơtrut tui ngă hơdôm tơlơi pơkă kơ mơnuih mă bruă, biă ñu lĕ Hră công ước phrâo pơsit giăm anai. Khua git gai pơ ala mơnuih ƀôn sang dêh čar pơsit, pơđĭ kyar hơđong amăng abih bang bruă bơwih ƀong, mơnuih mơnam, ayuh hyiăng jing bruă djơ̆ hrŏm mơ̆ng dêh čar Việt Nam. Dêh čar Việt Nam akŏ pơjing tơlơi rô nao rai mơnuih mă bruă djơ̆ hrŏm, hơđong hăng pơpih phrâo.

Kơnuk kơna yơh pô ba jơlan, pơpha hyu kơplah wah anom apah mơnuih mă bruă hăng mơnuih mă bruă. Khua anom bruă ILO brơi thâo, pơ ala kơ hơdôm anom bruă Sang gum hơbit djŏp dêh čar ƀơi Việt Nam lăi pơthâo sa amăng hơdôm tơlơi lông glăk bưp, anun lĕ bruă ngă hrŏm glăk prai prăk kăk, mơnuih mă bruă yua kaih ngă hră pơ-ar tuh pơ alin. Lăi pơtŏng, hơdôm anom bruă Sang gum hơbit djŏp dêh čar ăt glăk ngă djŏp mơta tơlơi dưi ngă đah mơng pơtrut ngă hơdôm kơčăo bruă anai.