Khua pơ ala mơnuih ƀôn sang dêh čar pơsit tong, Việt Nam lêng lăng bruă kơtưn, pok prong rô nao rai hăng dêh čar Nga lĕ sa amăng hơdôm bruă kiăng đing nao hloh amăng hơdră pơtom hiăp. Việt Nam lêng hơdor tơngia tơlơi gum djru prong prin, yôm phăn mơng Liên Xô, tơdơi anai lĕ dêh čar Nga amăng rơnuk blah wang pơklaih rơngai lŏn ia đưm hlâo adih kah hăng amăng bruă akŏ pơdong lŏn ia ră anai.

Khua git gai pơ ala mơnuih ƀôn sang dêh čar Việt Nam dong yua Sang phat kơđi dêh čar Việt Nam hăng Sang phat kơđi dêh čar Nga kah hăng hơdôm anom bruă phiah phiăn dua bơnah jai hrơi gum pơgôp, ngă hrŏm kjăp phik. Ơi Lebedev Vyacheslav Mikhaillovich đăo gơnang, tal rai čuă anai amra pok prong tơlơi rô nao rai ngă hrŏm kơplah wah sang phat kơđi dêh čar Việt Nam; bruă pơbưp nao rai amra tŏ tui hơmâo dua boh dêh čar pơtrut pơ anăp anai; laih dong bruă pơbưp nao rai mơnuih ƀôn sang ăt kiăng pơhlôm na nao mơn.