Pơhiăp ƀơi mông Jơnum, Khua git gai pơ ala mơnuih ƀôn sang dêh čar ơi Vương Đình Huệ pơsit, tơlơi rô nao rai Việt Nam -Iran jai hrơi klă hiam, pơƀuh amăng 3 mơta tơlơi: ƀu-eng hăng pơpŭ nao rai; pơđĭ kyar mơ̆ng kơđi čar, pơtom hiăp truh kơ tơlơi bơwih ƀong, sĭ mơdrô, gru grua; dua bơnah ngă hrŏm klă, djru nao rai amăng djŏp mông jơnum.

Khua git gai pơ ala mơnuih ƀôn sang dêh čar kiăng dua bơnah pơtrut tui hơdôm grup ngă hrŏm sĭ mơdrô, tla prăk kăk. Khua git gai pơ ala mơnuih ƀôn sang đăo gơnang, hơdôm tơlơi tơnap tap ƀơi anăp hăng sui thun kơ tơlơi ngă hrŏm mơ̆ng anom bơwih ƀong dua boh dêh čar amra pơsir tŭ yua, djru pơđĭ kyar bơwih ƀong huă, mơnuih mơnam, pơgôp kơ tơlơi truh kih mơ̆ng dua boh dêh čar.