Ƀơi Sang mă bruă Khua pơ ala mơnuih ƀôn sang dêh čar, tơdơi kơ mông ngă lơphet čơkă jum, dua bơnah hmâo pơphun bơkơtuai. Amăng mông bơkơtuai, amăng tơlơi tơpă, mơ-ak phak giăng mah gum hrŏm hơbit phara, ngă gru, ha pran jua, dua Khua git gai pơ ala mơnuih ƀôn sang lăi pơthâo nao rai laih tơlơi pơđĭ kyar mơ̆ng rim dêh čar.

Amăng tal rai čuă anai, dua bơnah hmâo ba tơbiă Tơlơi lăi pơtong hrŏm Việt Nam - Cuba hăng pran pơsit pơđĭ kyar kơtang dong tơlơi rô nao rai dua bôh dêh čar truh sa tơhnal dlông phrâo, sit nik, ba glăi bôh tơhnal hăng kơjak phik hloh, hăng pran jua gum hrŏm, pơđĭ kyar, yua kơ bruă pơđĭ kyar hăng pơjing kơnuk kơna djop mơnuih mơnam dưm kơnar, yua kơ bôh tŭ yua mơ̆ng mơnuih ƀôn sang dua bôh dêh čar, yua kơ tơlơi rơnuk rơnua, gum hrŏm hăng pơđĭ kyar ƀơi rim bôh dêh čar ƀơi kual hăng ƀơi rŏng lŏn tơnah. Hăng pran jua anun, Việt Nam hăng Cuba khom gum hrŏm kơjăp, pok pơhai ba glăi bôh tơhnal hơdôm hơdră gum hrŏm đang hmua, tuh pơplai, hơdôm tơlơi pơkôl hăng tơlơi pơkôl gưl dlông./.