VOV4.Jarai - Tlam mơmot lơ 20/1, ƀơi sang bruă Khua git gai pơ ala mơnuih ƀon sang dêh čar, Khua git gai pơ ala mơnuih ƀon sang dêh čar ơi Vương Đình Huệ tŭ jưm yă Márta Mátrai, Kơ-iăng khua tal sa pơ ala mơnuih ƀon sang dêh čar Hungary glăk rai čuă hăng mă bruă ƀơi Việt Nam. Ơi Vương Đình Huệ hok mơak čơkă yă Mátrai Kơ-iăng khua git gai tal sa pơ ala mơnuih ƀon sang dêh čar hăng Grup khua mua glăk rai mă bruă ƀơi Việt Nam amăng hơdôm hrơi akŏ thun phrâo, hăng lăi, Ƀirô khua git gai pơ ala mơnuih ƀon sang Việt nam lăng ba, pơtrut tui ngă bruă hăng wai lăng jơlan hơdră ngă bruă mơng Hungary hơmâo brơi 500 klăk euro prăk čan ODA kơ bruă mơ̆ dua bơnah kiăng djru ngă hlâo, ăt kah hăng 200 anung prăk djru kơ čơđai sang hră Việt Nam hrăm bruă bơwih ƀong, kĭ thuâ̆t; laih dong dong yua bruă hơmâo pơdong anom bruă gru grua Hungary ƀơi Việt Nam, čang rơmang anai jing anih pơhưč lu čơđai sang hră mơng hlâo hrăm ƀơi Hungary hăng mơnuih ƀon sang Việt Nam. Khua git gai pơ ala mơnuih ƀon sang dêh čar ơi Vương Đình Huệ kiăng amăng hrơi blan pơ anăp, dua bơnah amra kĭ glăi hră ngă hrŏm kơplah wah dua bơnah djŏp hloh dong.

Siu H’Mai: Pơblang