VOV4.Jarai - Tlam lơ 19/5, ƀơi sang bruă khua git gai pơ ala mơnuih ƀon sang dêh čar, ơi Vương Đình Huệ, Khua git gai pơ ala mơnuih ƀon sang dêh čar tŭ jum Kơ-iăng khua prong Grup Boeing ngă rah Khua gơgrong bruă Boeing jar kmar Michael Arthul. Ơi Vương Đình Huệ lăng yôm bruă mă mơng Boeing ƀơi Việt Nam; thâo hluh hăng anom bruă rơdêh por lăi hrŏ, biă ñu hơdôm sang bruă pơkra rơdêh por prong kah hăng Boeing bơbeč mơn yua klin Covid-19; laih dong đăo gơnang, tơdơi kơ dưi pơgang klin kheng, Boeing amra rŭ glăi tañ, biă ñu ƀơi kual Đông Nam Á, amăng anun hơmâo Việt Nam.

Khua git gai pơ ala mơnuih ƀon sang ơi Vương Đình Huệ tŭ jum Kơ-iăng khua prong Grup Boeing

Khua git gai pơ ala mơnuih ƀon sang dêh čar ơi Vương Đình Huệ čang rơmang, Boeing pok prong tơlơi rơgơi mơng Anom bruă pơ ala brơi ƀơi Việt Nam, hok mơ-ak hăng dong yua bruă mă mơng Boeing akŏ pơdong hơdôm anom bruă kơsem min pơđĭ kyar hăng djru boh thâo măi mok ƀơi Việt Nam či pơphun lu bruă djru kah hăng pơtô pơjuăt, măi mok, pơkra rơdêh por; đăo gơnang Việt Nam amra jing anih tong krah pơtruh rai kiăng Boeing mă ngă anih mă bruă prong.

Siu H’Mai: Pơblang