Pơhiăp ƀơi mông jơnum, Khua git gai pơ ala mơnuih ƀôn sang brơi thâo jơnum tal anai sem lăng 5 mơta tơlơi, amăng anun pơgôp hiăp kơ Tơlơi phiăn Djă pioh (čih pơkra glăi), Tơlơi phiăn pơkra glăi, pơhrua tui sa dua tơlơi mơ̆ng Tơlơi phiăn tơhan dŏ gak; sem lăng lăi pơthâo bruă hơduah tơña tơlơi mơnuih ƀôn sang kiăng khăp mơ̆ng Khua mua pơ ala mơnuih ƀôn sang blan 1 hăng hơdôm tơlơi yôm pơkŏn dong. Kơ Tơlơi phiăn Djă pioh (čih pơkra glăi), ƀing khua lăng yôm kơ tơlơi phiăn hơmâo pơhmư̆, pơplih pơkra tui lu tơlơi pơgôp hiăp mơ̆ng ƀing khua ƀơi mông Jơnum lok 6.

Khua git gai pơ ala mơnuih ƀôn sang dêh čar kiăng mơ̆ng anai truh kơ pơdah pơ Khua mua sem lăng, pơsit brơi laih anun truh kơ hrơi kĭ mă yua sit nik, kiăng lăng glăi pơhlôm dưm kơnar djơ̆ tơlơi phiăn, pơhmutu kah hăng bruă pơplih mrô, djă pioh amăng mrô, Kơnuk kơna mă yua mrô, bơwih ƀong mrô, mơnuih mơnam mrô; pơhmu lăng hăng Tơlơi phiăn Boh thâo măi mok pôr pơhing, Tơlơi phiăn rơnuk rơnua, Tơlơi phiăn hmư̆ tơlơi pơhing, Tơlơi phiăn pơgang ba tơlơi pơhing hơgŏm mơ̆ng kơnuk kơna, Tơlơi phiăn Gơnam gru grua yôm.