VOV4.Jarai-Grup khua mua pơ ala mơnuih ƀôn sang dêh čar Mozambigue yua kơ Khua git gai pơ ala mơnuih ƀôn sang dêh čar Mozambigue ba jơlan hlâo truh laih pơ plơi prong jưh jom Hà Nội, rai čuă jơmư sit nik Việt Nam mơ̆ng lơ 18-23/6 tui hăng tơlơi jak iâu mơ̆ng ơi Vương Đình Huệ, Khua git gai pơ ala mơnuih ƀôn sang dêh čar ta. Tal rai čuă jơmư sit nik Việt Nam, mơ̆ng Khua git gai pơ ala mơnuih ƀôn sang dêh čar Mozambigue kiăng ngă kjăp hăng pơtrut tui bruă giăng mah gơyut gơyâo gru grua hăng  ngă hrom lu bruă mơ̆ng dua bơnah, laih dơ̆ng pơtrut tơlơi ngă giăng mah pŭ ƀăn kơplah wah khua mua pơ ala mơnuih ƀôn sang Việt Nam hăng Mozambigue.

Khua git gai ping gah tơring čar Quảng Ninh tŭ jum mă tơngan hăng khua git gai pơ ala mơnuih ƀôn sang dêh čar Mozambigue

Ƀrô djơ̆ tal rai čuă anai, grup khua mua pơ ala mơnuih ƀôn sang dêh čar Mozambigue nao čuă hăng mă bruă ƀơi tơring čar Quảng Ninh. Tơlơi ngă giăng mah gru grua hăng ngă hrom lu mơta bruă dua bơnah, Khua git gai pơ ala mơnuih ƀôn sang dêh čar Mozambigue đăo kơnang tal rai čuă jơmư anai pơtrut ngă hrom tơlơi giăng mah dua bơnah Mozambigue hăng Việt Nam lăi hrom hăng tơring čar Quảng Ninh hnun mơ̆n, biă mă ñu gah bruă ngă hrom ngă hmua, boh thâo ia rơgơi tơlơi pơhing dăng kông.

Nay Jek: Pơblang