VOV4.Jarai - Tŏ tui mông nao mă bruă pơ hơdôm boh tơring čar kual Dơnung hăng kual lŏn dăo ia krông Cửu Long, mơguah lơ 25/1, Khua git gai pơ ala mơnuih ƀon sang dêh čar Vương Đình Huệ hrŏm hăng khua mua nao čuă jơmư, hơ-ơč hmưi Tê̆t kơ ƀing khua, tơhan kông an hăng ƀing ơi ia jrao glăk pơgang klin ƀơi tơring čar Cà Mau. Ơi Vương Đình Huệ pơsit, Cà Mau lĕ kual yôm biă amăng bruă bơwih ƀong, pơgang lŏn ia, kual lŏn gru grua kơdrưh kơ-ang mơng lŏn ia. Yua ngă anih yôm, anun jing tơhan kông an Cà Mau kiăng gir hloh. Pơpŭ kơ mơnuih glăk djru pơgang klin Covid-19, pơ ala kơ khua mua Ping gah, Kơnuk kơna, Khua git gai pơ ala mơnuih ƀon sang ơi Vương Đình Huệ hơmâo brơi gơnam hăng hơ-ơč hmưi kơ ƀing khua, tơhan kông an hăng ƀing ơi ia jrao tơring čar Cà Mau hrŏm hăng sang anŏ čơkă tê̆t tui tơlơi pơtrun “Tê̆t jơngum sang anŏ - Bơyan bơnga rơnuk rơnua”.

Siu H’Mai: Pơblang