VOV4.Jarai - Mơguah lơ 24/2, ƀơi Sang bruă, Khua git gai pơ ala mơnuih ƀon sang dêh čar ơi Vương Đình Huệ hơmâo ngă bruă hăng Grup khua wai lăng mơng Jơnum min apăn bruă git gai pơ ala mơnuih ƀon sang kơ “Bruă ngă tui tơlơi pơtrun mơng Jơnum min apăn bruă git gai pơ ala mơnuih ƀon sang kơ bruă dưm dăp anih mă bruă kơnuk kơna ƀơi tơring glông, să amăng rơwang thun 2019-2021”.

Pơhiăp ƀơi mông ngă bruă, ơi Vương Đình Huệ tŭ ư hăng akŏ bruă pok pơhai bruă mă rơđah rơđông amăng hrơi blan pơ anăp mơng Grup wai lăng, Khua git gai pơ ala mơnuih ƀon sang dêh čar pơtă hlâo kiăng kơsem lăng tong ten hloh tơlơi lăi pơthâo glăi mơng ding jum, anom bruă, biă ñu lĕ tơlơi lăi pơthâo mơng Grup khua pơ ala mơnuih ƀon sang hăng Jơnum min pơ ala mơnuih ƀon sang laih anun Jơnum min djŏp djuai ania mơnuih mơnam hơdôm boh tơring čar, ƀon prong. Khua git gai pơ ala mơnuih ƀon sang ăt kiăng ngă rơđah hloh tơlơi gơgrong bruă mơng khua mua ping gah, biă ñu lĕ ƀing khua amăng plơi pla amăng bruă ngă tui tơlơi pơtrun dưm dăp mơnuih mă bruă amăng anom bruă kơnuk kơna gưl tơring glông, să, kơđiăng lui hơdôm tơlơi kiăng djă pioh đah mơng pok pơhai klă hloh amăng rơwang bruă tŏ tui.

Siu H’Mai: Pơblang