Ƀơi mông bưp, Khua git gai pơ ala mơnuih ƀôn sang dêh čar ta lăi, tơlơi rô nao rai, ngă hrŏm dua boh deh čar amăng hơdôm thun rơgao đĭ kyar na nao. Việt Nam lăng yôm hăng čang rơmang tơlơi rô nao rai ngă hrŏm yôm plah wah Việt Nam hăng Indonesia amra pơđĭ tui hloh dong.

Kơ ngă hrŏm dua anom bruă pơ ala mơnuih ƀôn sang, Khua git gai pơ ala mơnuih ƀôn sang dêh čar ta kiăng, hrơi blan pơ anăp dua bơnah pơbưp lui tui dong, lăi pơthâo nao rai tơlơi thâo rơgơi kơplah wah dua Anom bruă čih pơkra tơlơi phiăn, biă ñu kơplah wah Jơnum min apăn bruă mơ̆ng Ƀirô khua pơ ala mơnuih ƀôn sang, hơdôm grup khua pơ ala, ƀing khua đah kơmơi wơ̆t hăng ƀing khua pơ ala thun hlăk ai.Kơ-iăng khua git gai pơ ala mơnuih ƀôn sang gơnong dlông dêh čar Indonesia pơsit, Khua mua pơ ala mơnuih ƀôn sang gơnong dlông Indonesia čang rơmang akŏ pơjing tơlơi rô nao rai dua bơnah anăp nao pơ anăp, lăi pơthâo boh thâo mơ̆ng anom bruă pơ ala mơnuih ƀôn sang dua boh dêh čar wơ̆t hăng rô nao rai mơnuih ƀôn sang dua boh dêh čar.