VOV4.Jarai - Ƀrô ngă lơphet 67 thun Hrơi pơpŭ bơni kơ ơi ia jrao Việt Nam (27/2), tlam lơ 25/2, Khua git gai pơ ala mơnuih ƀon sang dêh čar ơi Vương Đình Huệ hơmâo nao čuă jơmư Sang ia jrao Hưũ nghị Việt Đức. Pơhiăp ƀơi anai, ơi Vương Đình Huệ bơni kơ hơdôm bruă ngă rơgơi, bruă ngă prong mơng ƀing ơi ia jrao hăng mơnuih mă bruă amăng sang ia jrao lăi hrŏm, Sang ia jrao Việt Đức lăi hơjăn hơmâo ngă amăng hrơi blan rơgao. Tui hăng Khua git gai pơ ala mơnuih ƀon sang dêh čar ơi Vương Đình Huệ, mơng hơdôm tal klin Covid-19 hơđuh đĭ, brơi ƀuh rơđah anŏ yôm mơng sang ia jrao hăng ƀing ơi ia jrao ƀơi djŏp kual plơi pla, hăng bruă mă gah sang ia jrao pơhôm pơgang hlâo. Ơi Vương Đình Huệ čang rơmang, hăng gru grua hing ang mơng djŏp rơnuk ơi ia jrao, Sang ia jrao Hữu nghị Việt Đức hăng lu tơlơi dưi ngă hmư̆ hing amăng bruă khăm pơjrao hăng kơsem min boh thâo amra jing pơtrut tui pran jua, djru anom bruă ia jrao pơđĭ kyar kơjăp kơtang hloh, đah mơng dưi pơgang klin Covid-19 hăng lăng ba tơlơi suaih pral mơnuih ƀon sang.

Siu H’Mai: Pơblang