Hrơi blan rơgao, tơlơi rô nao rai giăng mah yôm pơphăn kơplah wah Việt Nam hăng Cuba hơmâo pơtrut tui kơtang hloh amăng djŏp bruă, hơmâo ngă sit nik hloh. Tơlơi kĭ pơkôl sĭ mơdrô Việt Nam - Cuba sit nik dưi mă yua mơng blan 4 thun 2020, hăng lu tơlơi ƀuăn djru ba bruă sĭ mơdrô, ngă gêh gal brơi bruă blơi sĭ gơnam tam mơng dua bơnah.

Amăng hrơi nao čuă dêh čar Cuba, Khua git gai pơ ala mơnuih ƀon sang dêh čar ơi Vương Đình Huệ amra hơmâo mông bơkơtuai, bưp ƀing khua prong mơng Ping gah, Kơnuk kơna dêh čar Cuba; jơnum bruă kơđi čar - adoh suang hơdor glăi 60 thun akŏ pơdong Jơnum min Cuba pơlir hơbit hăng kual Dơnung Việt Nam hăng pơphun bruă jơnum gru grua Việt Nam ƀơi La Habana; nao čuă Sang anih jưh, bưp mơnuih ƀon sang Việt Nam dŏ hơdip pơ Cuba.