VOV4.Jarai-Ƀơi sang bruă khua pơ ala mơnuih ƀôn sang dêh čar, ơi Vương Đình Huệ, Khua git gai pơ ala mơnuih ƀôn sang dêh čar tŭ jum Khua anih jưh pơ ala dêh čar Cuba ƀơi Việt Nam, Orlando Hernandez Guillen hăng Khua anih jưh pơ ala dêh čar Nga ƀơi Việt Nam, Gennady Bezdetko, nao mă tơngan, ƀrô rai mă bruă pơ Việt Nam. Tŭ jum khua anih jưh pơ ala dêh čar Cuba, Orlando Nicolas Hernandez Guillen, ơi Vương Đình Huệ hăng Khua anih jưh pơ ala lêng kơ lăi, Việt Nam hăng Cuba ăt dŏ hrom jĕ giăm na nao, djru ba, dong yua tơdruă amăng mông tơnap tap hloh, kah pơpha tơlơi mơak, boh tơhnal dưi ngă amăng bruă man pơdong hăng pơgang Lŏn ia.

Mông jơnum tŭ jum ƀing khua mua anih jưh pơ ala nao mă tơngan

Tŭ jum khua anih jưh pơ ala dêh čar Nga, Gennady Bezdetko, ơi Vương Đình Huệ lăi, Việt Nam lăng yôm bruă ngă giăng mah pŭ ƀăn gru grua hiam hăng ngă hrom hlom bom hăng dêh čar Nga, čang rơmang kơtưn hloh ngă hrom hăng dêh čar Nga amăng djop bruă mă, yua tơlơi rơnuk rơnua, hơđong, ngă hrom hăng pơđĭ kyar amăng kual laih anun amăng rŏng lŏn tơnah.

Nay Jek: Pơblang