VOV4.Jarai - Tlam lơ 26/4, ƀơi sang bruă Pơ ala mơnuih ƀon sang, Khua git gai pơ ala mơnuih ƀon sang dêh čar ta ơi Vương Đình Huệ tŭ jum Pany Yathotpu, Ding kơ Ding jum kơđi čar Ping gah dêh čar Lao, Kơ-iăng khua mir sir dêh čar Lao glăk rai čuă sit nik dêh čar Việt Nam. Lăng yôm tơlơi dưi ngă mơng mông jơnum kơplah wah dua čô Kơ-iăng khua mir sir pơphun mơguah hrơi anun mơn, Khua git gai pơ ala mơnuih ƀon sang dêh čar ơi Vương Đình Huệ lăi, khua mua pơ ala mơnuih ƀon sang Việt Nam amra sem lăng, pơsir brơi hơdôm tơlơi tơnap amăng tơlơi phiăn, ngă gal brơi anom bơwih ƀong dua bơnah ngă hrŏm klă hloh, djru pơtrut tui prăk pơhrui glăi mơng bruă sĭ mơdrô dua bơnah Việt Nam - Lao, ăt kah hăng ba tơlơi ngă hrŏm bơwih ƀong, sĭ mơdrô, tuh pơ plai mơng dua bơnah pơđĭ kyar, djru pơđĭ tui tơlơi hơdip mơnuih ƀon sang. hrŏm hăng anun, Khua mua pơ ala mơnuih ƀon sang Việt Nam dong yua bruă pơtô pơjuăt ƀing čơđai sang hră gưl prong dêh čar Lao ăt kah hăng bơlăi nao rai tơlơi rơgơi, apăn bruă mơng khua mua hơdôm anom bruă bơdjơ̆ nao mơng dua boh dêh čar.

Siu H’Mai: Pơblang